З прапановай зрабіць больш жорсткімі штрафы за выкід смецця ў лясной зоне выступіў дырэктар Бараўлянскага спецлясгаса Аляксандр Мірановіч.

На яго думку, ні папярэджанні, ні цяперашнія штрафы не працуюць.
«Старт павінен пачынацца ад 50 базавых велічынь (2100 рублёў), тады будзе і іншае стаўленне грамадзян», – лічыць Мірановіч.
Для даведкі, па дзеючых нормах, за забруджванне лесу фізасобы могуць атрымаць штраф да 10 базавых велічынь (420 рублёў). Для ІП гэта абыйдзецца даражэй – да 25 базавых (1050 рублёў), для юрасобы – да 50 базавых велічынь (2100 рублёў).
Мужчына наракае, што летам ледзь не ўвесь лясгас займаецца ўборкай смецця. Гэта адцягвае ад іншых важных задач.
У кіраўніка спецлясгаса былі і іншыя цікавыя просьбы. Напрыклад, ён папрасіў знізіць аб'ём папяровай працы пры ўборцы адзінкавых пашкоджаных дрэў уздоўж дарог. Яшчэ адно пытанне, якое аказалася набалелым – перагляд умоў закупкі абутку для членаў лесапажарных каманд. Паводле яго слоў, цяперашні абутак вытрымлівае ўсяго 2-3 выхады ў лес.
Крыніца: https://t.me/minleshoz/19505