«Вось як выглядае кватэра заможнай вавёркі ў Гомелі»😎 Гомяльчанін зрабіў мілы агляд на звярыны домік

Жыхар Гомеля з нікам barmaleiro некалькі гадоў таму пазнаёміўся з «захавальнікам вавёрак» – пенсіянерам, які клапоціцца аб звярках у Гомельскім парку. Час ад часу мужчына тэлефануе з просьбай дапамагчы «па гаспадарцы». Гэтым разам моцным ветрам знесла адзін з домікаў, унутр трапіла вада, трава стала гніць і запасы вавёркі, якая ў ім жыла, аказаліся ў небяспецы.
Аўтар відэа забраў домік на рэстаўрацыю. І ў дадатак паказаў усю планіроўку і начыненне.
У каментарах захваляваліся, што вавёрку абрабавалі і пазбавілі жылплошчы. Аднак мужчына заверыў, што ўсе запасы пакіне гаспадыні, а сам домік павесіць на месца пасля рамонту.
За няпоўныя суткі відэа сабрала больш за 400 каментароў і амаль 145 тысяч праглядаў.
Крыніца: https://www.tiktok.com/@barmaleiro/video/7516542158199917880?_t=ZM-8xH6I4147Sn&_r=1