Старажытнае летняе свята апошнім часам стала даволі папулярным сярод беларусаў самых розных узростаў.

У афішах мы знайшлі цэлы шэраг тэматычных імпрэз.
«Моцныя Навіны» разабраліся, а калі ўвогуле прынята святкаваць Купалле і выбралі для нашых чытачоў самыя цікавыя прапановы. Гартайце карткі і захоўвайце сабе!
У Беларусі са старажытных часоў свята Купалле было прымеркавана да летняга сонцастаяння. Пры гэтым, па словах даследчыкаў, адзінай даты не існавала, бо ў нашых продкаў не было дакладных астранамічных прыбораў для вызначэння даты росквіту прыроды.
Пазней Купалле сталі прымяркоўваць да дня Іаана Хрысціцеля (24-25 чэрвеня). Тады яно і набыло назву Іван Купала. У 1918 годзе адбылася каляндарная рэформа, якая паблытала ўсе даты яшчэ больш. Руская праваслаўная царква адмовілася падтрымаць рэформу, і ноч на Івана Купала пачалі святкаваць з 6 па 7 ліпеня.
Сёння ў нас ёсць выбар і нічога не замінае святкаваць Купалле некалькі разоў у розных фарматах цягам двух тыдняў😉🌿