Павел Дураў пасля смерці падзеліць сваё шматмільярднае багацце паміж ста дзецьмі

Стваральнік і адзіны акцыянер Telegram у чацвер даў інтэрв’ю французскаму часопісу Le Point. Ён заявіў, што хоча, каб ва ўсіх яго дзяцей, былі «аднолькавыя правы».
«Я не хачу, каб пасля маёй смерці яны разрывалі адзін аднаго на часткі», – патлумачыў расійскі бізнесмен.
40-гадовы мільярдэр сцвярджае, што дзякуючы яго донарскай сперме на свет з'явілася больш за сто дзяцей у дванаццаці краінах. Акрамя гэтага ён афіцыйны бацька шасцярых дзяцей, народжаных ад трох розных жанчын.
Дураў таксама дадаў, што ніхто з ягоных сыноў і дачок не зможа атрымаць спадчыну яшчэ 30 гадоў.
«Я хачу, каб яны жылі як нармальныя людзі, будавалі свае кар'еры самі, вучыліся давяраць сабе, маглі тварыць, а не залежаць ад банкаўскага рахунку», – расказаў мужчына.
Фота: Le Point
Крыніца: https://www.lepoint.fr/economie/comment-pavel-durov-le-patron-de-telegram-fait-trembler-les-puissants-18-06-2025-2592406_28.php