Міністэрства антыманапольнага рэгулявання і гандлю вынесла на грамадскае абмеркаванне праект пастановы, якая накіравана на ўзмацненне кантролю за гандлем на рынках.

Што прапаноўваецца👇
🔹 Пашырыць паўнамоцтвы адміністрацыям рынкаў. Ім хочуць даць права скасоўваць дамовы з прадаўцамі, якія два і больш разоў на працягу года парушылі правілы гандлю. Гэта тычыцца ў тым ліку і тых, хто перавышае устаноўленыя кошты ці не выконвае санітарныя нормы.
🔹 Увесці правіла, каб прадаўцы прадастаўлялі дакументы з абгрунтаваннем разліку рознічных коштаў на тавары, якія падлягаюць рэгуляванню.
🔹 Увесці абавязак для адміністрацыі кожны дзень правяраць гандлёвыя месцы на наяўнасць неабходных дакументаў і выкананне ўстаноўленых коштаў. Таксама яны павінны будуць размяшчаць шыльды з інфармацыяй аб рэгуляваных коштах на тавары.
Паведамляецца, што новыя правілы закрануць усіх, хто гандлюе на рынках – і юрасоб, і ІП.
Беларусы могуць выказаць свае прапановы і заўвагі ў спецыяльнай тэме на Прававым форуме па 4 ліпеня.
Крыніца: https://forumpravo.by/upload/pdf/Obosnovanie_Proekt_postanovleniya_MART_24.06.2025.pdf