У Беларусі забаранілі збіраць некаторыя ядомыя грыбы.

Яны цяпер у Чырвонай кнізе
Спецыялісты Інстытута эксперыментальнай батанікі імя Купрэвіча НАН Беларусі падрыхтавалі тлумачэнні да змянення спісу рэдкіх і ахоўных відаў дзікарослых раслін.
Спіс папоўнілі некаторыя ядомыя грыбы. Прычынай для іх аховы стала значнае скарачэнне месцаў іх вырастання. Калі дакладней, у Беларусі стала менш малапарушаных і высокаўзроставых лясоў.
У Чырвоную кнігу трапілі👇
🔹 Каштанавік, які падобны да белага грыба, але мае полую або з пустэчамі карычняватага колеру ножку. Гэта грыб добрай якасці і раней яго збіралі для сушкі.
🔹 Вальварыела шаўкавістая. Гэта буйны і вельмі прыгожы грыб, які адрозніваецца шаўковістым пакрыццём. Мае прыемны смак і пах. Часцей за ўсё ён расце па адным на мёртвых ці аслабленых дрэвах.
🔹 Чорная лісічка або вароначнік ражкавідны. Гэты грыб у заходняй Еўропе лічыцца далікатэсным. Не патрабуе папярэдняй апрацоўкі, а ў сушаным выглядзе служыць асновай для розных соусаў.
🔹 Сыраежка залацістая, якая мае жоўта-аранжавы ці памяранцава-чырвоны капялюшык і белую з цытрынава-жоўтым адценнем ножку.
Нагадваем, што за збор грыбоў з Чырвонай кнігі прадугледжаны штраф. Яго памер залежыць ад канкрэтнага віду грыба і абставінаў парушэння – ад 20 да 30 базавых велічынь (ад 840 да 1260 рублёў).
Фота: Фота: klau. club,
priroda. club
Крыніца: https://botany.by/news/2025/06/spisok-redkih-i-ohranyaemyhуу-vidov-dikorastushhih-rastenij-vkljuchennyh-v-krasnuju-knigu-respubliki-belarus/