Belavia зноў выконвае рэйсы ў Дубай без тэхпасадкі

Авіякампанія паведаміла, што ў сувязі з адкрыццём новых участкаў паветранай прасторы Belavia змагла адмовіцца ад тэхнічнай пасадкі.
Нагадаем, пасля таго, як Іран закрыў неба праз эскалацыю канфлікту на Блізкім Усходзе, авіякампанія стала выконваць рэйсы ў аблёт праз Узбекістан і Пакістан. Час палёту складаў 9 гадзін 30 хвілін і гэта патрабавала тэхнічную пасадку для дазапраўкі.
Генеральны дырэктар беларускай авіякампаніі Ігар Чаргінец тады заяўляў, што праз лагістыку і дадатковыя выдаткі кампанія лятае ў Дубай «у мінус», але не будзе браць з пасажыраў дадатковыя грошы.
Цяпер рэйс «Мінск – Дубай – Мінск» арганізаваны па бяспечным і больш кароткім маршруце: палёт займае 6 гадзін 30 хвілін.
Скрыншот: FlightRadar24
Крыніца: https://t.me/belavia_official/1011