Беларусь накіравала ў Еўразійскую эканамічную камісію прапанову знізіць стаўкі ўвазных мытных пошлін у ЕАЭС на прадукты, якія выкарыстоўваюць у кандытарскай вытворчасці.

Ініцыятыва тычыцца какава-пасты неабястлушчанай (цяпер пошліна складае 3%), какава-алею і какава-тлушчу (5% ад мытнага кошту). Стаўкі хочуць знізіць да 0% на 3 гады.
У абгрунтаванні гаворыцца, што гэтыя прадукты з'яўляюцца прамежкавымі таварамі перапрацоўкі какава-бабоў і выкарыстоўваюцца для вырабу шакаладу, шакаладных цукерак і вырабаў з шакаладу. Абнуленне мытных пошлін неабходна для павышэння канкурэнтаздольнасці.
Апошнім часам, какава-бабы сталі сапраўдным галаўным болем для кандытарскіх прадпрыемстваў ва ўсім свеце. Праз кепскі ўраджай у Афрыцы, дзе вырошчваюць асноўную частку гэтай сыравіны, кошты моцна падняліся.
Гэтая праблема закранула і кандытарскую фабрыку «Спартак». У канцы мая кампанія аб’явіла пра павышэнне вартасці сваёй шакаладнай прадукцыі, «нягледзячы на ўсе высілкі па захаванні ранейшых коштаў».
Крыніца: https://myfin.by/article/rynki/belarus-hocet-otmenit-posliny-na-kakao-podeseveet-li-sokolad-38527