Гранітны кар’ер у Мікашэвічах занеслі ў Кнігу рэкордаў Беларусі

Аб’ект устанавіў адразу два новыя прамысловыя рэкорды ў Беларусі. Пра гэта паведаміў рэкардсмен Кнігі рэкордаў Гінэса, галоўны эксперт нацыянальнага рэестра Кнігі рэкордаў Беларусі Кірыл Шымко.
Па-першае, гранітны кар'ер у Мікашэвічах прызнаны самай буйной адкрытай горнай выпрацоўкай у рэспубліцы. Яго даўжыня – амаль 3 кіламетры, шырыня – 1815 метраў, глыбіня – 155 метраў.
Па-другое, у кар’еры вядзецца самая вялікая штогадовая здабыча і перапрацоўка нярудных будаўнічых матэрыялаў – 26 мільёнаў тон у год.
Рэкорды былі афіцыйна ўстаноўлены 28 чэрвеня 2025 года.
Прадпрыемства «Граніт», што здабывае друз у мікашэвіцкім кар’еры, з'яўляецца манапалістам у Беларусі. 92-95% друзу пастаўляецца краіне менавіта адсюль. У рэспубліцы практычна на ўсіх будоўлях прымяняюць прадукцыю «Граніта», пачынаючы з дарог, жылля і сканчаючы інфраструктурай. Частка друзу адпраўляецца на экспарт у Расію.
Крыніца: https://brestcity.com/blog/granitnyj-karer