Як мы ўжо сёння пісалі, у Беларусь ідуць цёплыя паветраныя масы з тропікаў і нясуць нам сапраўдную спёку.

Але варта быць акуратнымі, аранжавы ўзровень небяспекі ўсё яшчэ захоўваецца па ўсёй Гомельскай вобласці.
❗️Сёння МНС папярэджвае пра моцны шторм з ветрам да 15-18 метраў у секунду.
‼️Заўтра аранжавы ўзровень небяспекі ахопіць усю краіну ў сувязі з высокімі тэмпературамі паветра.
Мяркуем, шмат хто захоча ахладзіцца ў рэках і азёрах. Паглядзелі, як цяпер з тэмпературамі вады ў вадаёмах рэгіёна.
Па стане на 2 ліпеня тэмпература вады ў Сожы па дадзеных гідрапоста, які знаходзіцца ў Гомелі, складае 18 градусаў. Столькі ж у Дняпры ў Жлобіне і Прыпяці ў Мазыры. А вось у Нароўлі і Петрыкаве Прыпяць прагрэлася ўжо да 19 градусаў. Цяплей за ўсё ў Дняпры ў Рэчыцы – 20 градусаў.
Пры гэтым гідролагі прагназуюць, што да канца тыдня на рэках будзе адзначацца ў асноўным спад узроўняў вады і роўны іх ход, а тэмпература павысіцца.