«Моцныя Навіны» завіталі ў мікрараён Хутар і паглядзелі, як там святкуюць Дзень Незалежнасці

Па адчуваннях, людзей тут сёння сабралася няшмат, збольшага – бацькі з дзецьмі, цяжарныя. Для дзяцей падрыхтавалі шмат розных лакацый з гульнямі і інтэрактывам.
Пачаставацца можна было грэцкай кашай і гарбатай. Чэргаў амаль не было.
Таксама для наведвальнікаў працавала караоке і ваенна-палявы шпіталь, дзе медыкі паказвалі, як правільна рабіць перавязкі.
Яшчэ адна незвычайная лакацыя – аўтобус-кінатэатр, які на самой справе аказаўся проста аўтобусам з тэлевізарам, дзе паказвалі розныя ваенныя фільмы.