Чарговага гіганта вылавіў рыбак з Прыпяці

Гэтым разам прыемны сюрпрыз чакаў Яўгена Юхніка, які вудзіў сома тролінгам на Прыпяці каля Турава.
Першая рыбалка прынесла мужчыне шэсць сомаў вагой ад 1,5 да 4,6 кілаграма. Другая была няўдалая. А вось трэцяя ашчаслівіла сапраўды буйным трафеем.
Сом аказаўся даўжэйшым за рыбака, а яго рост складае 180 сантыметраў. Шалі паказалі 40 кілаграмаў, але на іх рыба не змясцілася цалкам – не змаглі падняць хвост з зямлі. Таму Яўген мяркуе, што вага гіганта можа дасягаць і 50 кілаграмаў.
Пасля фотасэсіі сома вярнулі ў раку, каб падрастаў і падарыў прыемныя эмоцыі іншым рыбакам.
Фота: Яўген Юхнік
Крыніца: https://fishingby.com/reports/gomel/trolling-na-pripyati-som-dlinoj-bolshe-180-sm-i-vesom-pod-50-kg/