Пад Мінскам здаюць у арэнду на суткі BDSM-домік

Гасцявы дом з інтэр’ерамі 18+ назвалі The Secret House. Месціцца ён у садовым таварыстве Юбілейнае-68 недалёка ад Мінска.
У доме дзве спальні і сакрэтны пакой «для дарослых гульняў». Таксама ўнутры шмат розных арт-аб’ектаў.
Цікава, што для наведвання дома існуюць строгія правілы. Напрыклад, адначасова ў дом могуць засяліцца не больш за шэсць чалавек, а гучныя вечарынкі там забароненыя.
Таксама мы зазірнулі ў прайс на засяленне і даведаліся, што ўласнік стварыў некалькі тарыфаў для гасцей. Напрыклад, ёсць такі цікавы варыянт як рэжым «Інкогніта». Ён забяспечвае поўную ананімнасць – не заключаецца дамова, адключаюцца камеры назірання. А бонусам ідуць трансфер, бутэлька віна з закускамі, паслугі саўны і нават фотасэт!
Агулам кошты складаюць ад 180 да 900 рублёў за наведванне ад 12 гадзін да сутак.