У сацсетках завірусіўся конь, які чакае аўтобус на Магілёў

Ролік з канём, які апынуўся на прыпынку ў Дрыбінскім раёне, апублікаваў у TikTok temik_man.
За 5 дзён відэа набрала больш за 850 тысяч праглядаў.
Судзячы па кадрах, жывёла сарвалася з прывязі і пайшла шукаць цень, каб схавацца ад спёкі. У выніку яна забралася пад навес мясцовага аўтобуснага прыпынку.
«Напэўна, чакае аўтобус на Магілёў», – пажартаваў аўтар роліку.
Некаторыя каментатары падхапілі жарт і паспрабавалі здагадацца, куды сабраўся конь: на педыкюр, па новыя падковы, у суседняе сяло на дыскатэку.
Спадзяемся, што ў выніку гаспадар знайшоў свайго каня і забраў дадому☺️
Крыніца: https://vm.tiktok.com/ZMSg5TaVX/