Даследванне апублікавалі ў навуковым часопісе JAMA Network Open.

Навукоўцы Сямэнскага ўніверсітэта назіралі за 10 тысячамі чалавек ад 50 да 79 гадоў цягам 5 гадоў – з 2013 па 2018 год.
Аналіз паказаў, што ў тых, хто дапамагаў сем'ям з унукамі ад 1 да 39 гадзін у тыдзень, рызыка дэменцыі была на 24% ніжэйшай, чым у тых, хто не займаўся дзецьмі. Цікава таксама і тое, што ў пажылых людзей, якія вытрачвалі на ўнукаў больш за 40 гадзін у тыдзень, такога станоўчага эфекту не назіралася.
Даследчыкі адзначылі, што бабулі і дзядулі, якія даглядаюць унукаў, часцей карысталіся смартфонамі і інтэрнэтам – на трэць больш, чым іх менш актыўныя аднагодкі. Навукоўцы сцвярджаюць, што засваенне новых тэхналогій дапамагае падтрымліваць разумовую актыўнасць, развівае новыя навыкі і ўмацоўвае сацыяльныя сувязі. Акрамя таго, такія пажылыя людзі ў сярэднім на 26% радзей адчувалі адзіноту, што таксама важна для кагнітыўнага здароўя.
Але перагрузка, наадварот, можа займець негатыўны эфект. Інтэнсіўны клопат суправаджаецца стрэсам і скарачэннем часу на іншыя карысныя віды актыўнасці, таму не абараняе ад кагнітыўных парушэнняў.
Па дадзеных СААЗ, дэменцыя – сёмая па значнасці прычына смяротнасці ў свеце. Нягледзячы на прагрэс у навуковых даследаваннях, эфектыўнага лячэння гэтай хваробы на сёння не існуе, а ўвага навукоўцаў збольшага засяроджана на прафілактыцы.
Крыніца: https://jamanetwork.com/journals/jamanetworkopen/fullarticle/2836168?resultClick=1