Статыстыку прывёў Белстат 11 ліпеня – у Сусветны дзень народанасельніцтва.

Па насельніцтве сярод краін свету Беларусь займае 98 пазіцыю. Шчыльнасць жыхароў складае 43,9 чалавека на квадратры кіламетр. Пасля беларусаў, у краіне найбольш прадстаўнікоў такіх нацыянальнасцяў, як рускія, палякі, украінцы, яўрэі, армяне і татары.
Трэба адзначыць, што колькасць насельніцтва Беларусі змяншаецца. На 1 студзеня 2025-га ў краіне пражывалі 9 109 280 чалавек. Гэта на 46 698 менш, чым годам раней.
Гарадское насельніцтва складае 7,1 мільёна чалавек. Яно паменшылася амаль на 15 600 гараджан. Сельскае насельніцтва скарацілася на 31 100 чалавек і склала 1 926 590 сяльчан.
Больш за ўсё скарацілася насельніцтва Гомельскай вобласці – на 10 644 чалавека. Але пры гэтым Гомельшчына ўсё яшчэ на другім месцы па колькасці жыхароў у краіне. Вось такія лічбы на сёння:
• Брэсцкая – 1 299 912 (-8657);
• Віцебская – 1 072 063 (-9848);
• Гомельская – 1 327 973 (-10 644);
• Гродзенская – 984880 (-7676);
• Мінская – 1 456 257 (-3932);
• Магілёўская – 971365 (-9809).
А вось у Менску зафіксаваны рост – за год там стала больш на 3 868 чалавек.
Крыніца: https://t.me/belstat_by/1996