Ф'ючэрсы на каву рэзка падняліся ў чацвер пасля таго, як прэзідэнт ЗША Дональд Трамп прыгразіў пошлінамі ў 50% для Бразіліі.

Гэтая краіна – найбуйнейшы ў свеце вытворца арабікі.
У лісце, апублікаваным у сераду ў Truth Social, Трамп абвінаваціў урад Бразіліі ў нападзе на свабоду слова і арганізацыі «палявання на ведзьмаў» супраць былога прэзідэнта краіны Жаіра Балсанару. Ён паабяцаў увесці пошліны з 1 жніўня.
У выніку кошты на арабіку на таргах у Нью-Ёрку ў чацвер раніцай выраслі больш чым на 3,5%, а пасля знізіліся і склалі прыкладна 2,5%. Паводле слоў аднаго з трэйдараў, ліст Трампа «выклікаў шок у кававай індустрыі». ЗША – асноўны пакупнік бразільскай кавы, таму гэты тарыф, безумоўна, ударыць па рынку.
Кошты на арабіку і рабусту за апошнія некалькі гадоў былі высокімі праз дрэнны ўраджай у асноўных краінах свету, дзе вырошчваецца кава – Бразіліі і В'етнаме. Пастаўкі скараціліся, а на рынак выйшлі спекулянты. За апошнія 2 гады праз падаражанне кавы яго спажыванне ў свеце скарацілася на 3,5%.
Крыніца: https://www.ft.com/content/67de783b-a721-406f-91a0-2d13d869980c