У Марока знайшлі кавалачак Месяца, якому 2,35 мільярда гадоў

13 ліпеня навукоўцы апублікавалі адкрыццё, якое змяняе ўяўленне аб геалагічнай гісторыі спадарожніка Зямлі. Яны вывучалі метэарыт Northwest Africa (NWA) 16286, які знайшлі ў Марока ў 2023 годзе.
Па ацэнках даследчыкаў, яго ўзрост складае 2,35 мільярда гадоў – гэта адзін з самых маладых месяцовых базальтавых узораў, калі-небудзь знойдзеных на Зямлі. Гэты метэарыт стаў першым прамым доказам таго, што геалагічная актыўнасць на Месяцы працягвалася як мінімум да 2,3 мільярда гадоў таму. Раней лічылася, што яна спынілася значна раней.
«Унікальны хімічны склад і ўзрост, які перакрывае мільярдны прамежак у даных аб месяцовых пародах, дазваляюць меркаваць, што на Месяцы існавалі ўнутраныя крыніцы цяпла, якія захоўваліся стагоддзямі», – гаворыцца ў даследаванні.
Навукоўцы мяркуюць, што метэарыт мог быць выкінуты ў космас пасля сутыкнення астэроіда з паверхняй спадарожніка. Пасля ён мільёны гадоў падарожнічаў па космасе, пакуль не ўпаў у Паўночную Афрыку.
Крыніца: https://www.sciencedaily.com/releases/2025/07/250713031449.htm