Сёння ў Віцебску закрываецца «Славянскі базар».

Як прайшоў фестываль?
Папярэднімі вынікамі XXXIV Міжнароднага фестывалю мастацтваў «Славянскі базар у Віцебску» падзяліўся дырэктар фестывалю Глеб Лапіцкі.
Сёлета ў ім прынялі ўдзел прадстаўнікі 44 краін. Упершыню сярод іх з’явілася Нігерыя.
У межах фестываля акрамя Летняга амфітэатру запрацавала таксама новая сцэнічная пляцоўка ў Віцебскім цэнтральным спарткомплексе.
Па інфармацыі на сёння, вулічныя пляцоўкі Віцебску наведалі больш за 200 тысяч чалавек, з іх больш за 70 тысяч – па квітках.
«Ужо больш за 15 мільёнаў праглядаў нашых трансляцый. Калі летась цырымонію адкрыцця анлайн паглядзелі 2 мільёна карыстальнікаў, то сёлета іх колькасць перавысіла 4,5 мільёна», – сцвярджае Лапіцкі.
Гаворка, судзячы па ўсім ідзе пра запісы трансляцый, размешчаных у «Одноклассниках».
Сёння ў межах «Славянскага базару» ладзіцца апошні канцэрт «Шансон ТВ – ВСЕ ЗВЁЗДЫ».
Гамяльчане, калі вы былі на фестывалі, дзяліцеся з намі сваімі ўражаннямі.
Крыніца: https://belta.by/society/view/otklik-na-ploschadki-millionnye-prosmotry-lapitskij-o-predvaritelnyh-itogah-slavjanskogo-bazara-726311-2025/