У верасні выйдзе спін-оф вядомага амерыканскага серыяла «Офіс»

Стрымінгавы сэрвіс Peacock анасаваў дату прэм'еры спін-офа пад назвай «Газета» (The Paper) – 5 верасня. Дзеянне новага серыяла адбываецца вакол спробы адраджэння паміраючай рэгіянальнай газеты на Блізкім Захадзе ЗША.
Паводле звестак Variety, 5 верасня выйдуць адразу першыя чатыры серыі, а потым будуць выходзіць па дзве новыя серыі кожны чацвер да 25 верасня.
У лютым амерыканскі акцёр Оскар Нуньес, вядомы па серыяле «Офіс», пацвердзіў, што вернецца да ролі Оскара Марцінеса ў спін-оф-серыяле. А вось галоўная зорка «Офіса» Стыў Карэл заявіў у мінулым годзе, што дакладна не плануе вяртацца, бо гэта нешта новае, і ён не бачыць прычын, каб яго персанаж з'яўляўся ў чымсьці падобным.
Крыніца: https://www.nme.com/news/tv/the-office-spin-off-the-paper-sets-release-date-3877601#