На аўкцыёне Sotheby's выставяць самы вялікі метэарыт з Марса

Аўкцыён, прысвечаны прыроднай гісторыі, пройдзе ў сераду ў Нью-Ёрку. На ім упершыню выставяць на таргі самы вялікі кавалак Марса, калі-небудзь знойдзены на Зямлі. Камень пад назвай NWA 16788 важыць 25 кілаграмаў, а яго кошт складае ад 2 да 4 мільёнаў долараў.
Мяркуецца, што гэты кавалак быў знесены з паверхні Марса магутным ударам астэроіда і праляцеў 225 мільёнаў кіламетраў да нашай планеты, дзе ўпаў у афрыканскую пустыню Сахара. Яго знайшоў паляўнічы за метэарытамі ў аддаленым рэгіёне Агадез у Нігеры ў лістападзе 2023 года.
Камень – суперрэдкая знаходка. Па даных Sotheby's, з больш за 77 тысяч афіцыйна прызнаных метэарытаў, знойдзеных на Зямлі, існуе ўсяго 400 уласна марсіянскіх.
Невядома, калі менавіта гэты метэарыт упаў на Зямлю, але, па словах прадстаўнікоў Sotheby's, даследванні паказалі, што гэта адбылося, хутчэй за ўсё, у апошнія гады.
Фота: АР
Крыніца: https://apnews.com/article/mars-rock-auction-sothebys-2ba21