У Магілёве ураган «скраў» норкавае футра.

Яно знайшлося за 3 кіламетры ад дома
Забаўная гісторыя здарылася з жыхаркай Магілёва падчас нядаўняй буры. Напярэдадні непагадзі жанчына вывесіла на балкон сваё норкавае футра і пакінула яго там на ноч. А ноччу здарылася стыхія.
Вецер быў настолькі моцны, што зламаў фрамугу і ўнёс адзенне у паветра. Жанчына шукала футра і пад вокнамі, і ў бліжэйшым наваколлі, але безвынікова – дарагая рэч знікла бясследна.
Магіляўчанка развесіла па мікрараёне аб’явы пра пошук, аднак ніхто не адгукаўся. Жанчына ў адчаі напісала яшчэ адну з абяцаннем ўзнагароджання ў 200 долараў. Рэальны кошт футра, на хвілінку, каля 1500 баксаў.
Праз тыдзень патэлефанаваў мужчына, гатовы вярнуць прапажу. Футра апазналі па метках, якія ўладальніца загадзя прадбачліва зрабіла на адзенні.
Крыніца: https://zviazda.by/news/u-magilyeve-uragan-apranu-sya-norkavae-futra/