У Мінску прадаецца офіс, у якім хочацца жыць😍

Офісныя памяшканні з неймаверна ўтульным інтэр’ерам месцяцца ў гістарычным раёне Асмалоўка. Сам дом жылы – помнік архітэктуры канца XIX стагоддзя. Ён адметны сваім прыгожым акном.
Офіс прадаецца за 120 тысяч долараў. Калі дакладней, раней гэта была кватэра, але яе вывялі з жылога фонду. Прадавец у аб’яве піша, што магчыма яе зноў туды вярнуць.
Столі ў памяшканні – 3,9 метра. Уласнік піша, што гэта дазваляе зрабіць з яго двухузроўневую кватэру.
Агульная плошча – 45 квадраў, з іх на жылую зону прыходзіцца 21,9 квадратных метра, а на кухню – 11.
Да слова, пад’езд у доме, які аўтар аб’явы называе параднай, таксама варты ўвагі. У ім стаіць фартэпіяна, а сталічныя модніцы нават ладзяць тут атмасферныя фотасэты.
Фота: Аксана Манкевіч
Крыніца: https://r.onliner.by/pk/apartments/1200332