Беларусы змогуць наведваць Лаос без візы.

Толькі вось дабрацца туды не так і проста
Беларусь і Лаос адмяняюць візы для ўладальнікаў нацыянальных пашпартоў. Пагадненне падпісаў міністр замежных спраў Беларусі Максім Рыжанкоў падчас візіту ў Лаос.
Краіна знаходзіцца ў Паўднёва-Усходняй Азіі. Гэта адзіная дзяржава ў рэгіёне, якая не мае выхаду да мора, але ўсё адно можа прывабіць турыстаў цікавымі мясцінамі.
Лаос славіцца сваёй французскай каланіяльнай архітэктурай, племяннымі пасяленнямі на вяршынях узгоркаў і будысцкімі манастырамі.
Пытанне толькі ў тым, як туды дабрацца. З Масквы ці ААЭ прамых рэйсаў туды практычна не бывае. Часцей за ўсё перасадкі адбываюцца ў Індыі ці Тайландзе. Відаць, квіток абыдзецца ў немаленькую суму.
Крыніца: https://pravo.by/novosti/obshchestvenno-politicheskie-i-v-oblasti-prava/2025/july/89524/