Беларуская сінхраністка Васіліна Хандошка заваявала два медалі на чэмпіянаце свету ў Сінгапуры

У Сінгапуры ў гэтыя дні ідзе сусветны форум па водных відах спорту.
Беларуска некалькі дзён таму заняла другое месца ў тэхнічнай праграме. А ў фінале вольнай праграмы ў сінхронным (артыстычным) плаванні Васіліна атрымала 239,54 бала за выступленне і бронзавы медаль.
Сёння ў Сінгапур прыбыла нацыянальная каманда Беларусі па плаванні. У складзе – вядучыя атлеты зборнай Ілля Шымановіч, Грыгорый Пекарскі, Анастасія Шкурдай, Анастасія Кулешова і ў тым ліку калінкавічанка Аліна Змушка.
На чэмпіянаце свету плаўцы пачнуць спаборнічаць 27 ліпеня. За 8 спаборніцкіх дзён будзе разыграна 42 камплекты ўзнагарод.
Фота: TEAM BY
Крыніца: https://t.me/olympicteamby/18115