Частка грошай пойдзе на новую ферму ў Веткаўскім раёне🐮

Мінфін пастанавіў павялічыць на 11,5 мільёна рублёў фінансаванне з рэспубліканскага бюджэту выдаткаў на развіццё сельгасвытворчасці, рыбаводства і перапрацоўку аграрнай прадукцыі.
Згодна з пастановай, з гэтай сумы больш за 7,4 мільёна рублёў плануецца вылучыць на пасадку пладовых культур і догляд за імі. І на 4 мільёны рублёў вырасце фінансаванне будаўніцтва аб'ектаў супрацьпаводкавай абароны ў найбольш небяспечных раёнах Палесся.
Акрамя таго, уносяцца змены ў дзяржаўную праграму «Аграрны бізнэс» на 2021-2025 гады. У ёй прадугледжана дадатковае фінансаванне інвестпраектаў на суму амаль 7,4 мільёна рублёў.
Адзін з такіх праектаў – стварэнне малочна-таварнай фермы на тысячу кароў у філіяле «Аграфірма імя Лебедзева», што належыць РУП «Гомельэнерга» ў Данілавічах Веткаўскага раёна. Аб'ём фінансавання складзе 50,193 мільёна рублёў, з якіх частка крэдыту ў суме 11,692 мільёна рублёў прадаставяць у 2026 годзе.
Крыніца: https://pravo.by/document/?guid=12551&p0=C22500402