15-гадовая дзяўчынка са Светлагорску выратавала сваю сяброўку, калі тая пачала тануць

Гераіню завуць Таццяна Рудзіновіч, яна вучыцца ў школе №11.
Усё здарылася на гарадскім пляжы. Падлеткі купаліся і ў нейкі момант адна з іх пачала тануць. Другая спачатку падумала, што сяброўка проста жартуе. Але калі Таццяна зразумела, што гэта не жарт, адразу паплыла да яе на дапамогу.
Выратаваць дзяўчынку удалося дзякуючы шматгадоваму досведу прафесійнага плавання.
«Плаваю я даўно, практычна ўсё свядомае жыццё займаюся спортам. Таму рэакцыя была імгненнай», – расказала школьніца.
Таццяна таксама адзначыла, што ратавальнікі апынуліся побач літаральна праз пару хвілін. Яны дапамаглі сяброўцы выбрацца на бераг і аказалі першую медыцынскую дапамогу.
За праяўленую мужнасць дзяўчынку ўзнагародзілі граматай ад імя старшыні Гомельскай абласной арганізацыі АСВОД Паўла Новіка.
Фота: «Светлагорскія навіны»
Крыніца: https://sn.by/press-tsentr/video/devochka-spasla-tonushchuyu-podrugu/