Адна з самых ізаляваных краін свету плануе спрасціць уезд для турыстаў

Яшчэ ў красавіку ўрад Туркменістана абвясціў пра новыя спрошчаныя візавыя правілы. Сёння атрыманне турыстычнай візы ў гэтую краіну – працяглы і складаны працэс, які патрабуе атрымання рэкамендацыйнага ліста ад Міністэрства замежных спраў пасля браніравання паездкі ў тураператара, які зацверджаны ўрадам. Праверка, пакуль урад вырашае, ці варта даваць дазвол на ўезд, часам займае месяцы.
Калі пачне працаваць новая сістэма, падарожнікі змогуць падаваць заяўкі анлайн, працэс будзе ісці хутчэй і адмоваў стане менш. Абяцаюць прыбраць атрыманне рэкамендацыйнага ліста, але ўсё роўна спатрэбіцца «спонсар» у Туркменістане. У большасці выпадкаў гэта азначае запіс на экскурсію з гідам.
Тым не менш, як адзначае CNN, Туркменістан больш не публікаваў навін пра спрашчэнне візавых правіл, таму невядома, калі папраўкі ўступяць у сілу.
Фота: Anadolu Agency
Крыніца: https://amp.cnn.com/cnn/2025/07/31/travel/turkmenistan-tourism-visas-opening