Беларуска купіла на маркетплэйсе «рэдкую банкноту на ўдачу».

Яна аказалася сапраўднай і самай звычайнай
На Wildberries знайшлася аб’ява пра продаж купюры наміналам у 2 долары ў раздзеле «манеты сувенірныя», але ў апісанні прадавец сцвярджаў, што грошы сапраўдныя.
Купюру ў 2 долары прадаюць за амаль 18 рублёў, то бок гэта даражэй за афіцыйны курс прыкладна ў тры разы. У чым яе асаблівасць, разбіраліся журналісты Myfin.
У апісанні тавара пазначана, што купюра рэдкая і прыносіць удачу. Больш яна нічым не вылучаецца. Грошы праверылі ў банку, яны аказаліся сапраўднымі. Да слова, праверка каштуе 1,5 рубля, а калі б купюра апынулася фальшывай, то прыйшлося б гутарыць з міліцыяй.
Па словах нумізмата, які таксама аглядзеў банкноту, ніякай асаблівай каштоўнасці яна не мае. Ён дапускае, што мэтавай аўдыторыяй прадаўца хутчэй за ўсё з’яўляюцца расіяне, бо ў Расіі долар не з'яўляецца такой папулярнай валютай, як у Беларусі. Магчыма, там 2-доларавую купюру ніколі нават і не бачылі.
Крыніца: https://myfin.by/article/money/v-banke-podtverdili-cto-oni-nastoasie-beloruska-kupila-na-vajldberriz-dollary-po-neozidannomu-kursu-39422