Заснаваны гамяльчанінам стартап пачаў супрацоўніцтва з сацсеткай Дональда Трампа

Гаворка ідзе пра кампанію Perplexity, якую заснаваў ураджэнец Гомеля Дзяніс Ярац сумесна з партнёрамі ў ЗША. Стала вядома, што Perplexity стварыла для сацсеткі Truth Social пашукавік Truth Search AI, які працуе на аснове штучнага інтэлекту.
Цяпер распрацоўка існуе ў бэта-версіі на сайце. Пасля яе дададуць у мабільныя праграмы для iOS і Android. Іншыя падрабязнасці і фінансавыя ўмовы здзелкі пакуль невядомыя.
Нагадаем, Perplexity запусцілі ў 2022 годзе, а ў 2024-м праект стаў адным з самых дарагіх маладых стартапаў. Нядаўна яго ацанілі ў 18 мільярдаў долараў.
Крыніца: https://www.globenewswire.com/news-release/2025/08/06/3128331/0/en/Trump-Media-Begins-Public-Beta-Testing-AI-Search-Engine.html