100 кілаграмаў за 2 дні.

Беларус заклікаў у грыбны тур
Паглядзіце, якія скарбы ўдалося сабраць хлопцам у раёне возера Нарач. У роліку blue_lakes_travel аўтар запрашае прыехаць дапамагчы збіраць лісічкі, бо рук не хапае.
У каментарах гледачы пачалі абмяркоўваць, у якіх раёнах Беларусі выгадней збіраць грыбы на продаж аптовым скупшчыкам. Многія паскардзіліся, што збіраць лісічкі сёлета аказалася вельмі нявыгадна, бо вялікі ўраджай рэзка збіў кошт закупкі грыбоў у насельніцтва.
Таксама цікава і тое, што закупачныя кошты, мяркуючы па каментарах, даволі моцна адрозніваюцца ў залежнасці ад раёна. Для прыкладу, у Вілейскім раёне яны стартуюць ад 2 рублёў, у Полацкім і Лепельскім можна здаць грыбы ўжо па 4 рублі за кіло. Пра Жлобінскі пішуць, што здаюць па 5,5 рубля за кілашрам, а Клецкі лясгас, калі верыць аднаму з каментатараў, прымаў лісічкі на мінулым тыдні нават па 10 рублёў.
Крыніца: https://www.tiktok.com/@blue_lakes_travel/video/7536242402042891576