Міністэрства фінансаў Беларусі змяніла кошты на каштоўныя металы ў вырабах і ломе, якія скупляюцца ў фізічных асоб.

З 14 жніўня за непатрэбны вам ланцужок ці завушніцу з золата або срэбра можна атрымаць больш грошай.
Згодна з пастановай, за 1 грам каштоўнага металу дадуць, напрыклад:
🔹 за золата 585 пробы – 170,89 рубля (раней – 166,06 рубля);
🔹 за срэбра 925 пробы – 3,10 рубля (раней – 2,94 рубля);
🔹 за плаціну 950 пробы – 117,44 рубля (раней – 93,43 рубля);
🔹 за паладый – 108,70 рубля (раней – 99,82 рубля).
Падняліся кошты і на іншыя пробы золата і срэбра.
Да слова, апошнім разам кошты на каштоўныя металы ў вырабах і ломе мяняліся 27 лютага 2025 года. Тады кошт золата, срэбра і плаціны вырас, а паладыя – знізіўся.
Новая пастанова не распаўсюджваецца на кошты пры куплі-продажы банкамі і НКФА каштоўных металаў у выглядзе мерных зліткаў і манет у фізасоб.
Крыніца: https://pravo.by/document/?guid=12551&p0=W22543642