Па інфармацыі суполкі nadvorie, разлікі Еўрапейскага цэнтра сярэднетэрміновых прагнозаў надвор’я паказваюць, што з 18 па 25 жніўня ў Беларусі стане значна халадней.

У сярэднім па краіне чакаецца на 1-3 градусы ніжэй за норму апошняга месяца лета, а на поўначы – нават на 3-6 градусаў халадней.
Прычына ў шырокай маларухомай вобласці нізкага ціску над Барэнцавым морам «Н» і з антыцыклоне «В» з цэнтрам прыкладна над Ісландыяй. У бліжэйшыя дні паветра на тэрыторыю нашай краіны будзе паступаць у асноўным з поўначы, з прыпалярных раёнаў кантынента.
Удзень тэмпературы паветра наўрад ці павысіцца больш за +20 градусаў. Асабліва пахаладанне адчуецца ўночы.
Што да Гомельскай вобласці, судзячы па прагнозах, прахалоднае паветра дойдзе да нас пазней – бліжэй да выходных.
Крыніца: https://t.me/nadvorie/19290