Але ці будзе такая практыка паўсюднай, залежыць ад зумераў.

У часопісе Nature Human Behaviour апублікавалі буйное даследванне, якое выявіла, што скарачэнне працоўнага тыдня да чатырох дзён мае шмат плюсаў.
Даследчыкі Бостанскага каледжа адсочвалі чатыры ключавыя паказчыкі – выгаранне, задаволенасць працай, фізічнае і псіхічнае здароўе. Аналіз праводзіўся сярод супрацоўнікаў 141 кампаніі ў ЗША, Вялікабрытаніі, Аўстраліі, Канадзе, Ірландыі і Новай Зеландыі.
Па выніках даследвання выявілася, што 90% удзельнікаў так спадабаўся эксперымент, што яны вырашылі перайсці цалкам на 4 працоўныя дні ў тыдзень.
«Мы выявілі значнае паляпшэнне самаадчування працаўнікоў. Кампаніі таксама адзначылі рост прадукцыйнасці і даходаў», – адзначылі навукоўцы.
Але нягледзячы на тое, што гэта не першы доказ карысці для здароўя чалавека, у многіх краінах на 4 дні не спяшаюцца пераходзіць праз культуру зверхурочнай працы.
Тым не менш, эксперты меркуюць, што галоўная сіла, якая рухае гэтыя змены, будзе зыходзіць ад моладзі. Глабальнае апытанне, праведзенае ў 2025 годзе, паказала, што ўпершыню ў гісторыі баланс паміж працай і асабістым жыццём стаў больш важкім, чым заробак у спісе прыярытэтаў.
«Мы назіраем, як расце супраціў сярод маладога пакалення. У іх прынцыпова іншыя ўяўленні пра мэты працы і пра тое, чаго яны хочуць ад жыцця», – кажуць аўтары даследвання.
Вядома, такая практыка падыходзіць не для ўсіх сфер – важную ролю грае прамысловая структура краіны і яе ўзровень развіцця. Але паспяховых прыкладаў пераходу на 4-дзённы працоўны тыдзень усё больш.
Крыніца: https://www.bbc.com/russian/articles/czr6pj003yeo