Дэталямі падзялілася кансультантка аддзела адаптацыі і інтэграцыі асоб з асаблівасцямі псіхафізічнага развіцця Людміла Мардовіч.

Асаблівыя дзеткі могуць навучацца ў каледжах як у звычайнай вучэбнай групе, так і ў навучальнай групе толькі для асоб з асаблівасцямі псіхафізічнага развіцця. Навучэнне можа быць арганізавана і дома.
Пасля навучання такія беларусы і беларускі могуць атрымаць прафесію маляра, агародніка, цесляра, сталяра, кветкавода, швачкі і іншыя. Усяго ў агульнадзяржаўным класіфікатары змяшчаецца васемнаццаць спецыяльнасцей, уключаючы сорак кваліфікацый.
Магчымасць пасля заканчэння школы атрымаць прафесію залежыць ад стану здароўя. Асаблівы абітурыент праходзіць медыцынскую камісію і атрымлівае заключэнне медыка-рэабілітацыйнай экспертнай камісіі (МРЭК), дзе вызначаецца пералік магчымых для яго прафесій. Гэта дапамагае зразумець, кім можна працаваць.
У людзей з асаблівасцямі развіцця ёсць права на сацыяльную стыпендыю, якая прызначаецца тым, хто атрымлівае прафесійна-тэхнічную, сярэднюю спецыяльную або вышэйшую адукацыю.
«Прадастаўляецца таксама магчымасць пражывання ў інтэрнатах, а плата за карыстанне жылым памяшканнем не спаганяецца з дзяцей-інвалідаў (да 18 гадоў) I і II груп», – тлумачыць Людміла Мардовіч.
Акрамя таго, такія навучэнцы вызваляюцца ад пакрыцця сродкаў, затрачаных на атрыманне адукацыі, у выпадках, калі праблемы са здароўем не дазваляюць скончыць навучанне або пасля сканчэння ўстановы працаваць па сваёй спецыяльнасці.
Крыніца: https://belta.by/society/view/ljudi-s-osobennostjami-psihofizicheskogo-razvitija-mogut-poluchat-profobrazovanie