Арктычныя воўкі і слон на смеццевым палігоне.

Паглядзіце на найлепшыя здымкі дзікіх жывёл 2025 года
Лонданскі Музей прыродазнаўства штогод арганізуе адзін з самых прэстыжных конкурсаў Wildlife Photographer of the Year, што прысвечаны дзікай прыродзе. Сёлета на спаборніцтвы фатографы адправілі 60 тысяч здымкаў. Пакажам вам самыя-самыя.
Звярніце ўвагу на фота арктычных ваўкоў, якія жывуць на востраве Элсмір. Каб зрабіць гэтую фатаграфію, фатограф Аміт Эшэль правёў у тундры больш за тыдзень і здолеў падысці так блізка да зграі, што адчуваў пах дыхання звяроў, якія з цікаўнасцю даследавалі камеру і чалавека.
Яшчэ адзін цікавы здымак – партрэт ляніўца, які ўчапііўся ў слуп агароджы з калючым дротам. Праз яго на дарозе ў Коста-Рыцы спыніўся аўтамабільны рух: кіроўцы чакалі, калі жывёла пяройдзе дарогу.
Фота, якое дужа ўражвае – самотны азіяцкі слон, які ідзе па смеццевым палігоне на Шры-Ланцы ў пошуках ежы. Больш за 3 гады фатограф Лакшыта Карунаратна дакументуе канфлікт паміж людзьмі і сланамі на востраве. За 8 гадоў на адным з палігонаў у Ампары загінула каля дваццаці сланоў, якія выпадкова з'ядалі пластыкавае смецце.
Вынікі конкурсу стануць вядомыя 14 кастрычніка.
Крыніца: https://www.nhm.ac.uk/visit/exhibitions/wildlife-photographer-of-the-year.html