Беларуская фігурыстка Вікторыя Сафонава атрымала права выступіць на зімовай Алімпіядзе-2026

Пасля кароткай праграмы Сафонава займала 7 месца. Сёння яна выконвала вольную праграму і атрымала ў суме 181,91 бала, што ў выніку дало ёй чацвёртае месца ў выніковым пратаколе.
У мужчынскім турніры беларускі фігурыст Яўген Пузанаў па выніках кароткай праграмы пакуль займае 13 месца.
Нядаўна «Моцныя Навіны» пісалі пра тое, што выканкам Міжнароднага алімпійскага камітэта зацвердзіў правілы допуску беларускіх спартсменаў да зімовых Алімпійскіх гульняў 2026 года ў Мілане.
Атлеты з Беларусі змогуць удзельнічаць у Алімпіядзе толькі ў нейтральным статусе.
Фота: TEAM BY
Крыніца: https://t.me/olympicteamby/18808