Мінчанін купіў капучына ў кавярні і атрымаў у рэшце манету, якая аказалася даражэй за намінал у некалькі разоў

Звонку манета падобная на 2-рублёвую, але насамрэч яна памятная – з серыі «Гісторыя беларускай чыгункі. Цягнікі». Яшчэ ўлетку яе можна было купіць у касе Нацбанка за 11 рублёў, то бок у 5,5 раза даражэй за намінал.
Цяпер такая манета на сайце Нацбанка ўжо недаступная для пакупкі. Але яе можна знайсці ў наяўнасці на сайце «Белнумізматыкі» за 45 рублёў 10 капеек – гэта ўжо ў 22,5 раза даражэй за намінал.
Як такая каштоўнасць трапіла ў абарот – загадка, але расплачвацца ёю не забаронена. Усе памятныя манеты, якія выпускае Нацыянальны банк, – гэта законны плацежны сродак, але па намінале. Нягледзячы на тое, што Нацбанк выставіў за гэтую манету кошт у 11 рублёў, у краме ці кавярні яе прымуць, як звычайныя 2 рублі.
Крыніца: https://myfin.by/article/money/belorusu-v-sdace-popalas-neobycnaa-moneta-ona-stoit-znacitelno-doroze-nominala-41131 Фота: myfin. by