Вось вам і новая пужалка: будзеш шмат бургераў есці – пеніс не вырасце!

На развіццё пеніса ўплываюць розныя фактары: генетыка, гармоны, навакольнае асяроддзе. З навуковай літаратуры вядома, што ў мужчын з атлусценнем зніжаецца ўзровень гармона тэстастэрону. Улічваючы ключавую ролю тэстастэрону ў развіцці палавога члена, група медыкаў з В’етнама пачала вывучаць сувязь атлусцення ў дзяцінстве з памерам пеніса ў дарослых мужчын. Артыкул пра гэта выйшаў у выданні The Journal of Sexual Medicine.
У даследванні ўзялі ўдзел 290 мужчын каля 30 гадоў, якія з чэрвеня 2023-га па ліпень 2024 года звярнуліся ў клініку пры Ханойскім медыцынскім універсітэце для праверкі рэпрадуктыўнага здароўя.
Па фатаграфіях пацыентаў у 10-гадовым узросце навукоўцы з дапамогай 3D-мадэлявання аднавілі, як тады выглядалі іх целы. Затым для кожнага падлічылі індэкс масы цела. Таксама зафіксавалі цяперашнія рост, вагу, акружнасць таліі, сцёгнаў і параметры чэлеса ў спакоі і эрэгаваным стане.
Асноўны вынік навуковай працы сапраўды пацвярдзіў тэорыю ўзаемасувязі атлусцення ў дзяцінстве і карацейшага пеніса. Гэта назіралі ў 41 чалавека з выбаркі. Розніца ў даўжыні ў параўнанні з астатнімі ўдзельнікамі аказалася клінічна значнай і склала прыкладна 1,9 і 1,2 сантыметра (у спакоі і расцягнутым стане).
Нягледзячы на тое, што ў даследванні выкарыстоўваліся метад мадэлявання па фота (а не канкрэтныя параметры) і вузкая выбарка (пацыенты адной в’етнамскай клінікі), лекары заявілі пра неабходнасць своечасова прымаць меры, каб знізіць рызыку доўгатэрміновых наступстваў для развіцця пеніса ў хлопчыкаў.
Крыніца: https://academic.oup.com/jsm/article-abstract/22/9/1536/8221414