Аляксандр Лукашэнка падпісаў сёння пакет законаў аб ратыфікацыі шасці міжнародных дамоў.

Частка дакументаў тычыцца ўладальнікаў дыпламатычных, афіцыйных і службовых пашпартоў: ім не спатрэбіцца віза ў Зімбабвэ, Уганду і Гвінею-Бісаў.
Для звычайных грамадзян новыя турыстычныя магчымасці адкрываюцца ў напрамку Калумбіі (для кароткатэрміновага знаходжання). Пагадненне з Калумбіяй набудзе моц праз 30 дзён пасля ратыфікацыі ў абодвух краінах. Рэжым безвізу пачне дзейнічаць і з Лаосам.
Таксама ратыфікаваны пратакол аб унясенні змяненняў у міжурадавае пагадненне з Турцыяй. Цяпер ад візавых патрабаванняў вызваляюцца кіроўцы і члены экіпажаў транспартных сродкаў, якія выконваюць міжнародныя перавозкі, пры ўездзе, выездзе, транзіце і часовым знаходжанні на тэрмін да 90 дзён у любым з перыядаў 180 дзён. Раней гэты ліміт складаў толькі 30 дзён пры агульным гадавым абмежаванні 90 дзён.
Крыніца: https://president.gov.by/ru/events/aleksandr-lukasenko-ratificiroval-sest-mezdunarodnyh-dogovorov-so-stranami-afriki-azii-i-latinskoj-ameriki