777 გადამწყვეტი ბრძოლა გვაქვს 26 ოქტომბერს და უპირობოდ უნდა მოვიგოთ, ყოველგვარი “მაგრამ”-ის გარეშე – ლევან ხაბეიშვილი

ივლისი 7,2024
“გადამწყვეტი ბრძოლა გვაქვს 26 ოქტომბერსდა უპირობოდ უნდა მოვიგოთ”- წერს ლევან ხაბეიშვილი სოციალურ ქსელში.
“ყველა ერთად უნდა ვზეიმობდეთ, პარტიულად არ უნდა იყოფოდეს ბედნიერება! ვინ ვისთან გადაიღო ფოტო, ვინ ვის გაუღიმა, სოციალურ ქსელში ფოტო მოუწონა, კომენტარი დაუწერა და შემდეგ ამის რევიზიას არ ვახდენდეთ.
ყველა ერთად, ხელჩაკიდებულები ვემსახურებოდეთ ჩვენს ხალხს და ხალხთან ერთად ვიზიარებდეთ ბედნიერებას, ტკივილს და ყველას ერთად გვიხაროდეს საქართველოს გამარჯვება და წარმატება, ევროკავშირში გაწევრიანების დაჩქარებაზე ვკამათობდეთ, დღეებზე და საათებზე ვდავობდეთ, რომ ყველაფერს ქვეყნის საკეთილდღეოდ ვაკეთებდეთ… მეგობრებში მტრების ძებნა არ ყოფილიყოს და ნამდვილ მტერს არ ვახარებდეთ ჩვენი ცუდი ნაბიჯებით
ზეიმი, ერთად ყოფნა, ხალხის მსახურება და მეორე დღეს კამათი ეკონომიკაზე, ინფრასტრუქტურაზე, ხალხის გამდიდრების გზებზე…
ყველაფრის ვიწრო ინტერესებისთვის გამოყენებაზე არ იყურებოდეს არავინ, ერთმანეთს პატივს სცემდეს ყველა, პირად ამბიციებზე წინ იყურებოდნენ. თავმდაბლობა, შრომა, სხვისი აღიარება, საკუთარ თავზე მუშაობა, საერთო საქმის გამო მინიმალურად რაციონალური ფიქრი, ქვეყნის და ხალხის საკეთილდღეოდ ფიქრი, დათმობა – როგორც ერთობის ინსტრუმენტად გამოყენება…. ასეთი საქართველო გვინდა ყველას და ასეთ საქართველოს ვნატრობთ, მაგრამ …. 12 წელია ივანიშვილი ცდილობს ხალხი გადაკიდოს, წაკიდოს ერთმანეთს და როგორმე გაათითოკაცოს ქართველი…
“ძალა ერთობაშია! ახლა მთავარი, გადამწყვეტი ბრძოლა გვაქვს 26 ოქტომბერს მოსკოვის სპარტაკის წინააღმდეგ და უპირობოდ უნდა მოვიგოთ ყოველგვარი “მაგრამ”-ის გარეშე – საქართველოს გამარჯვება გარდაუვალია”- წერს ლევან ხაბეიშვილი.