Աստծու, որպես «ԵՀՈՎԱ» անվան իրական նշանակությունը

Ելից 3:14 ԵՒ Աստված ասաց Մովսեսին. ԵՍ ԵՄ, ՈՐ ԵՄ: ԵՒ Նա ասաց. Այսպես ասա Իսրայելի զավակներին. ԵՍ ԵՄ-ն է ինձ ձեզ մոտ ուղարկել:
Հվհ 8:12 ....Հիսուսը դարձյալ նրանց հետ խոսեց՝ ասելով. Ես եմ աշխարհի լույսը նա, ով հետևի Ինձ, բնավ խավարի մեջ չի քայլի, այլ կյանքի լույսը կունենա:
Նրա «ԵՍ ԵՄ» լինելը նշանակում է «Ես այն ամենն եմ, ինչի կարիքն ունեք» և «Ես ամեն ինչն եմ»: Տերը այն է, ինչի կարիքը ունենք: Եթե մեզ անհրաժեշտ է փրկություն, լույս, կյանք, զորություն, իմաստություն, սրբություն կամ արդարություն, Հիսուս Քրիստոսը Ինքն է այդ ամենը մեզ համար: Նա Եհովա Աստված է՝ Մեծ «Ես եմ»-ը (Հվհ 11:25; Հվհ 8:58, 24, 28): «Ե՛ս եմ»: «ԵՍ ԵՄ, ՈՐ ԵՄ»: Եղբայրներ և քույրեր, դուք տեսնում՞ եք այդ անվան թանկարժեքությունը....Աստծու խոսքն ամենա զարմանալի բանն է: Այն, ինչ Նա ասում է, զարմանալի է, և այն, Ինչ Նա չի ասում, նույնպես զարմանալի է: Այն, ինչ Աստված լիարժեքորեն ասել է, զարմանալի է, և այն ինչը Նա լիովին չի ասել, նույնպես զարմանալի է....[Ելից 3:14-ում] Աստված լիովին չի ասում, թե Ինքն ինչ է: Նա պարզապես ասում է որ Ինքն է....Սա ենթադրում է, որ կա մի բան, ինչը դեռևս ասված չէ: «Ես եմ»-ը ուղարկեց Մովսեսին: Այդ օրը Մովսեսը ստացավ Աստծու հայտնությունը: Եթե Աստված «Ես եմ» արտահայտությանը ավելացներ «զորություն» բառը, ապա դա կնշանակեր, թե Նա սեր չէ: Եթե Նա «Ես եմ» արտահայտությանն ավելացներ «սեր» բառը, դա կնշանակեր, որ Նա միայն սեր է, բայց զորություն, իմաստություն, արդարություն, սրբացում փրկագնում, մխիթարություն, պաշտպանություն, բարձր աշտարակ և պատսպարան չէ: Աստված միայն ասում է, որ Ինքն է, առանց ասելու, թե Ինքն ինչ է: Դա թույլ է տալիս Իրեն հավատացողներին ավելացնելու այլ բառեր, որոնք իրականում ոչ թե բառեր են, այլ հոգևոր իրողություններ: Մենք կարող ենք հավատքով ավելացնել այն, ինչ ուզենք: Եթե մենք ունենք կարիք և հավատք, ապա կարող ենք «Աստված է» բառերին ավելացնել այն, ինչի կարիքն ունենք, և ստանալ Աստծո պատասխանը մեր կարիքին: Եթե մեզ մխիթարություն է պետք, Աստված մեր մխիթարությունն է: Եթե մեզ պատսպարան է պետք, Աստված մեր պատսպարանն է: Եթե մեզ բարձր աշտարակ է պետք, Աստված մեր բարձր աշտարակն է: Եթե մեզ հաղթանակ է պետք, Աստված մեր հաղթանակն է: Եթե մեզ ճանապարհ է պետք, Աստված մեր ճանապարհն է (Հվհ 14:6): Եթե մեզ լույս է պետք, Աստված մեր լույսն է: Եթե մեզ կյանքի հաց է պետք, Աստված մեր կյանքի հացն է: Նրա անվանը կարող ենք ավելացնել այն, ինչի կարիքը ունենք:
Բազմաթիվ մարդիկ չեն ճանաչում Աստծուն և բազմաթիվ մարդիկ չեն ճանաչում Եհովային: Ես կարծում եմ, որ Եհովա անվան երկարությունը, լայնությունը բարձրությունն ու խորությունը բավարար են ամեն ինչ ընդգրկելու համար: Սա տեսնելուց հետո զարմանալի չէ, որ Աստծուն ճանաչողներն ասում են, որ Եհովայի անունը ամուր աշտարակ է, և արդարը այնտեղ է վազում ու ապաստան գտնում (Առակ 18:10): Այս անվան նշանակությունը հասկանալով՝ Դավթի հետ կհռչակենք. «Նրանք, ովքեր Քո անունը գիտեն, Քեզ են ապավինում» (Սղմ 9:10): Քանի որ հին կտակարանյան սրբերը ճանաչում էին Աստծու անունը՝ «Եհովա», կարողանում էին աղոթել. «Հանուն Քո անվան, ով, Եհովա, ներիր իմ անօրենությունը, քանի որ այն մեծ է» (Սղմ 25:11). «Ով Աստված, Քո անվամբ ինձ փրկիր» (Սղմ 54:1). «Ով Տեր Եհովա ինչ-որ բան արա իմ հանդեպ՝ հանուն Քո անվան» (Սղմ 109:21): Նրանք նաև հռչակում էին. «Քո անվան միջոցով էինք ոտնատակ տալիս մեր դեմ բարձրացողներին »(Սղմ44:5).«Հանուն Իր անվան՝ ինձ առաջնորդում է արդարության շավիղներով»(Սղմ 23:3).«Քո անվամբ ձեռքերս վեր եմ բարձրացնում»(Սղմ 63:4): Ահա թե ինչու նրանք կարող էին գովք բարձրացնել ասելով. «Ինչպես Քո անունը, ով Աստված, այնպես էլ Քո գովքը»( Սղմ 48:10).«Քո անվան համար են նրանք ողջ օրը ցնծում»(Սղմ89:16).«Երգեցեք Աստծուն, սաղմոսներ երգեցեք Նար անվանը....Յահ է Իր անունը (Սղմ 68:4):
Աստծու անունը բացահայտում է հենց Աստծուն: Աստծու անունը մեր հավատքի հիմքն է: Եթե Սուրբ Հոգու զորությամբ մտնենք Աստծու անվան իրականության մեջ, Աստծո անվամբ արտասովոր բաներ կարող են իրագործվել:
Վիթնես Լի