Раиса Щанкина - Сонзэ лемезэ эри ды карми эрямо свал #СерафимаЛюлякина100иетьРеспубликасонок сонзэ асодыцянзо арасельть. Парсте содылизь Серафима Марковна Люлякинань Мордовиянь томбальгак. Ды кода а содамс? Кить марсизь моронзо, сеть зярдояк а стувтсызь цёковонь кондямо вайгелензэ. Истя тензэ мерстькак – Эрзянь Цёков. Ды те лементь сон идизе аволь весть……Тедедень (2022 иень) медьковонь 29 чистэ эрзянь сказительницанть, морыцянть Серафима Марковна Люлякинань чачома чистэ топодить 100 иеть. Ледстясынек сонзэ валдо лемензэ паро валсо.Серафима Марковна Люлякина. Те лемесь кеместэ совась минек раськень ломантнень седейс, зярдояк ды мейсэяк сон ней а нардави. Серафима Марковна Люлякина истят ломантнень юткстоль, кинь эйстэ, кода палыця штатолонть эйстэ, мольсь валдо ды лембе. Пазось сонзэ казизе валдо оймесэ, эрямонтень вечкемасо, сёрмадомань ёрокчисэ, гайтев вайгельсэ. Эрзянь ава, эрямонь кизэ пек а шождаль, мезде сказительницась ёвтни эсензэ ламо ёвтнемасо ды моры эсензэ моросо.Сон чачсь 1922 иень медьковонь (июлень) 29 чистэ Самара ёнксонь Похвистнева райононь Ягодной велесэ сокицянь-видицянь семиясо. Тетязо Марк Павлович важодсь сюпавонь кедьсэ. Свалшкань аразьчись эсензэ Симаньгак овсе вишка пингстэ кармавтызе важодеме. Кеменьшка иесэ яксесь кочкомо, тикшень пурнамо. Кассь моронь вечкицякс, ялга ютксо оймень-седеень кирвазтицякс, эрьва кодамо тевень сыргавтыцякс.Истямо обуцясь тензэ сась а стяко. Сынст кудосо свал вечксть моронь морамо. Марковнань сырькаензэ Анисия Ефимовнань содылизь губерниянь келес. Сон маштыль вадрясто лайшеме, содыль ламо морот, ёвкст, одирьвань урнемат. Эрясь мик 105 иеть. Сонзэ пельде Серафима Марковна тонадськак тиринь келенть вечкеме, моронь ладсеме. Сонсь эйсэс морсеськак. Эрзянь келень гимнакс теевсь «Эрзянь кель» морось, конань сёрмадомсто Серафима Марковна путызе весе ойме лембензэ. Секс те моронть эряви тонавтнемс весе эрзятненень. А содамс те моронть – а вечкемс эсь келенть.Домка тешкс С.М.Люлякина кадсь эрзянь литературасонть. Сонзэ стихтнесэ, ёвтамотнесэ, пьесатнесэ парсте маряви шканть лексемазо. Эрямонь ламо ёнкстнэнь авань сельмсэ неезь, сон весементь нолдась седеензэ пачк.Эряви меремс, эрзянь литературасо Никул Эркайде мейле эйкакшонь туртов виев сёрмадыцят арасельть семс, зярс эзь са Люлякина. Эйкакштненень алтазь сёрмадовксонзо ульнесть ламо ёнксонь. Сон сёрмадсь морот, стихть, ёвкст, пьесат.С.М. Люлякинань парсте содылизь школатнесэ. Сон сеедьстэ вастневсь тонавтницятнень марто, ловнось тенст од валморонзо, морась морот. Сынь пек тукшность эйкакштнень мельс.Серафима Марковна ульнесь ломанень вечкицякс. Кие илязо пшкаде тензэ лезкс мельга, лездыль ков сатыльть виензэ. Сон зярдояк эзь покшкавтне. Ков аволизь кучо – молиль, ков аволизь терде – сыль. Кадык лиясто ёжозояк берянель, ялатеке сыргиль. Эзь кочксе паро-берянь таркат.Кода сонзэ вечксть, кода учость, эрьва велесэ, козонь пачколесь, козонь совсесь, кода кенярдсть! Сонзэ концертсэ залось зярдояк арасель чаво. Велесэ морыль – веленек чиильть, сыренек-однэк, эйкакшонь пес сыльть кунсоломонзо. Ледни мелезэнь, кода финнэнь-угрань раськетнень фольклоронь праздникстэнть весе инжетнень тердизь Орданьбуень Баева велев С.Д.Эрьзянень памятникень панжомо. Чокшне ланга Ардатовасо невтезель концерт. Каня ломантне сизекшнесть учомадонть, каня лия тувталонь кувалма, ансяк залось таго-мекс пельс чаволь. Ды те сень лангс апак вано, кодат ансяк ды косто ансяк морыцят-киштицят эзть сакшно. Вана сценанть лангс лиссь Серафима Марковна. Кода свал, эрзянь оршамосо. Панаронзо-руцянзо палозь палсть, пильге тонгоманзо кувтёлдозь кувтёлдсть. Кирьгаванзо каязь эрьгтнень-човалятнень, мештезэнзэ чочазь сюлгамонть лангс аволить варшта ды сельметне сынсь невтильть лангозост. Сон сюконязь ютась сценанть куншкас ды эзь кенере нолдамо вайгелензэ – косто-а косто пуромсть ломанть, залось нацяс пешкедсь тыц. Кода серьгедизе «Семеричка карть» моронзо, Ардатовань клубось лепиясь цяпамотнес. Седеяк элякадсть ломантне, зярдо Марковна морынзе «Петра иредьстэ моли» ды «Молян мирденень» моронзо.Истя вастасть сонзэ эрьва косо, козонь ансяк чалгсесь пильгезэ. Сонсь Марковна, марявсь, сизематкак эзь сода. Мордовиясо арасельть, келя, эрзянь велеть, козонь сон аволь пачколе. Самарань, Оренбургонь, Ульяновскоень, Чувашиянь ды ламо лия ёнксонь эрзянь велетненьгак ютынзе нучк-пачк. Сон свал килангсоль, свал ков-бути пурныль.Таго ледстявсь тень, кода весть (те ульнесь 1992 иестэ) пачколинь Дубёнкабуев, косо ютавтозель семинар-вастовома, ков сакшность тосконь ды шабра Ульяновской областень эрзянь школатнестэ тонавтыцят ды директорт. Икелест морамо тердезель Серафима Марковнаяк. Се чистэнть, неявсь тень, марясь прянзо аволь пек парсте. Ялатеке сась, оршинзе эрзянь оршамонзо ды киштезь лиссь весень икелев. Мейсэяк эзизе невте берянь ёжонзо.Неевлинка, кода кунсолость эйсэнзэ томбальксэнь эрзятне! Костояк конёвонь кашторкс эзь маряво, весе вансть ансяк Люлякинань лангс, весе кунсолость истя, ойместкак пельсть таргамс. Зярдо серьгедизе «Эрзянь кель» моронзо, залось седеяк сэтьмелгадсь. Ванса, ламонь чамава сельведть кармасть певереме, зярдо Марковна пачколесь се таркантень, косо истят валтнэ:Эрзянь кель, эрзянь кель,Ашо килей, чуди лей.Чольдердиця горнипов,Гайсэ морыця цёков.Марявлинка, мезе тосо кепететсь! Весть тердизь, омбоцеде… Сиземазост цяпасть, яла кармавтсть одс ды одс морамс «Эрзянь келенть». Ламот тоско уш, Марковнань мельга, кармасть тонавтнеме те моронть. Мейле семинаронь перть, оймсемстэяк, ардомстояк, морасть ансяк те моронть эйсэ.Истямоль сон – Марковна. Эйкакштненень сон Сима патяль. Лемсэ-тетялемсэ яволявтнесть ансяк сцена лангсо. Сеяк аволь эрьва косо. Велетнесэ мерсть тензэ косо «минек Марковна», косо «Сима патянок». Сонсь Серафима Марковна весенень пшкалесь истя: «сазорнэм», «сяткинем», левкскем», «сырнень покольнем», «дугинем», «тякинем». Весе произведениянзояк сёрмадозь истямо жо чевте ды мазый кельсэ…Эрямонь койтне, нать, истят: ломанесь масторлангов сакшны аволь свалшкас. Куломась сасызе Серафима Марковна Люлякинаньгак. Те лиссь 1993 иень январень 17 чистэ. Теде икеле сон таго-зяро шка аштесь Светотехстроень больницясо. Учось, зярдо тензэ теить операция. Варчамонзо якинь монгак. Сестэ сон монень эзь неяво стакасто сэредицякс. Секс превскак тень эзь сакшно: таго-зяро чинь ютазь мольтяно калмамонзо. Лангс ваномс истямо чуморксоволь. Натой нилексть валгонесь нилеце этажсто (эстень тов куземс эзть мере), яла монь эйсэ вешнесь.Кортнемс савсь аволь кувать. Марковна капшась уколонь путовтомо. Туемстэ палымим ды сельведень пачк мерсь: «Уцяскав эрямо теть, левкскем». Монь туртов неть ульнесть меельце валонзо.Кулось сон недлячинь валскестэ. Куломадонзо икеле мерсь калмамс тозонь, косо чачсь, косо ютась эйкакшпингезэ, откспоразо. Кармавтомазо топавтозель.Саранскойстэ уловонть ильтизь куломань колмоце чистэнть. Ливтемензэ сакшность сехте малавикс оянзо-ялганзо, кить эрясть аволь васолга. Савольть васолонсетнеяк, марявольтькак ды кенеревельтькак пачкодеме. Тень лангс апак вано, ломантнеде пурнавкшность аволь аламо. Се чистэнть а содыцяськак муилизе кудонть, косо эрясь Люлякина эрий ялганзо И.К. Инжеватов марто. Ливтемензэ сазтне весе эзть кельге вейке нупальсэ квартирантень, секс ламот ушосольть. Тарькс вармаськак эзизе тандавто киньгак, ломантне састь простнеме ды меельце ки лангов ильтямо эсест пародояк паро ды вечкевикс ялгаст.Ильтицятнень ютксольть ламо ученойть, писательть, студентт, эрзянь ды мокшонь журналсто ды газетасто редакторт ды журналистт ды, нама, сонзэ сехте питней оятне – эсензэ кондят морамо-киштеме вечкиця ялганзо. Кить а совильть – сюконильть, кить а варштыльть – авардильть. Кочкурбуень Мурань велестэ «Сюлгамо» ансамблянь аватне кувать лайшесть пряпесэнзэ.Вай, ялгакай, дугакай,Истя ков пурныть-сэрнить,Рунгот-сэрнеть наряжик?Мекс а вастат инжетнень,Мекс а вастат каршозост?..Арасель ломань, кинь седеензэ аволизь тока неть валтнэ. Лайшицятнень мельга лияткак авардсть-ниреждсть. Истя ильтямонзо перть.Зярдо кандолазтнэнь ливтизь ушов, ломантнеде пуромсть седеяк ламо. Тесэ ютавтозель простнемань озкс. Кортасть ламот ды весе лембе валсо ледстнесть Марковнань. Ды тесэяк а кодаль моровтомо. Кода эрямстонзо сон вечксь морамо, истя мерсь ледстнемс куломадонзо мейлеяк. «Келу» ансамблянь тейтертне (сынь састь вейкень пес) серьгедизь сехте вечкема моронзо. Те - «Вирь удало» эрзянь морось.Се шкастонть ютась аволь аламо иеть. Серафима Марковнань лемезэ нейгак эри ды карми эрямо седе товгак. Сондензэ кармить ледстнеме весе сеть сёрмадовкстнэ, моротне, конатнень кенерсь каземе тенек сизьгемень иень кувалмосо эрямонзо перть.Раиса Щанкина
МОРОНЬ ГАЙТЬ ЛЮЛЯКИНА С.М
ПОЛАДСЫНЕК ЛЮЛЯКИНАДО ЛЕДСТНЕМАТНЕНЬ.
Раиса Щанкина - Сонзэ лемезэ эри ды карми эрямо свал #СерафимаЛюлякина100иеть
Республикасонок сонзэ асодыцянзо арасельть. Парсте содылизь Серафима Марковна Люлякинань Мордовиянь томбальгак. Ды кода а содамс? Кить марсизь моронзо, сеть зярдояк а стувтсызь цёковонь кондямо вайгелензэ. Истя тензэ мерстькак – Эрзянь Цёков. Ды те лементь сон идизе аволь весть…
…Тедедень (2022 иень) медьковонь 29 чистэ эрзянь сказительницанть, морыцянть Серафима Марковна Люлякинань чачома чистэ топодить 100 иеть. Ледстясынек сонзэ валдо лемензэ паро валсо.
Серафима Марковна Люлякина. Те лемесь кеместэ совась минек раськень ломантнень седейс, зярдояк ды мейсэяк сон ней а нардави. Серафима Марковна Люлякина истят ломантнень юткстоль, кинь эйстэ, кода палыця штатолонть эйстэ, мольсь валдо ды лембе. Пазось сонзэ казизе валдо оймесэ, эрямонтень вечкемасо, сёрмадомань ёрокчисэ, гайтев вайгельсэ. Эрзянь ава, эрямонь кизэ пек а шождаль, мезде сказительницась ёвтни эсензэ ламо ёвтнемасо ды моры эсензэ моросо.
Сон чачсь 1922 иень медьковонь (июлень) 29 чистэ Самара ёнксонь Похвистнева райононь Ягодной велесэ сокицянь-видицянь семиясо. Тетязо Марк Павлович важодсь сюпавонь кедьсэ. Свалшкань аразьчись эсензэ Симаньгак овсе вишка пингстэ кармавтызе важодеме. Кеменьшка иесэ яксесь кочкомо, тикшень пурнамо. Кассь моронь вечкицякс, ялга ютксо оймень-седеень кирвазтицякс, эрьва кодамо тевень сыргавтыцякс.
Истямо обуцясь тензэ сась а стяко. Сынст кудосо свал вечксть моронь морамо. Марковнань сырькаензэ Анисия Ефимовнань содылизь губерниянь келес. Сон маштыль вадрясто лайшеме, содыль ламо морот, ёвкст, одирьвань урнемат. Эрясь мик 105 иеть. Сонзэ пельде Серафима Марковна тонадськак тиринь келенть вечкеме, моронь ладсеме. Сонсь эйсэс морсеськак. Эрзянь келень гимнакс теевсь «Эрзянь кель» морось, конань сёрмадомсто Серафима Марковна путызе весе ойме лембензэ. Секс те моронть эряви тонавтнемс весе эрзятненень. А содамс те моронть – а вечкемс эсь келенть.
Домка тешкс С.М.Люлякина кадсь эрзянь литературасонть. Сонзэ стихтнесэ, ёвтамотнесэ, пьесатнесэ парсте маряви шканть лексемазо. Эрямонь ламо ёнкстнэнь авань сельмсэ неезь, сон весементь нолдась седеензэ пачк.
Эряви меремс, эрзянь литературасо Никул Эркайде мейле эйкакшонь туртов виев сёрмадыцят арасельть семс, зярс эзь са Люлякина. Эйкакштненень алтазь сёрмадовксонзо ульнесть ламо ёнксонь. Сон сёрмадсь морот, стихть, ёвкст, пьесат.
С.М. Люлякинань парсте содылизь школатнесэ. Сон сеедьстэ вастневсь тонавтницятнень марто, ловнось тенст од валморонзо, морась морот. Сынь пек тукшность эйкакштнень мельс.
Серафима Марковна ульнесь ломанень вечкицякс. Кие илязо пшкаде тензэ лезкс мельга, лездыль ков сатыльть виензэ. Сон зярдояк эзь покшкавтне. Ков аволизь кучо – молиль, ков аволизь терде – сыль. Кадык лиясто ёжозояк берянель, ялатеке сыргиль. Эзь кочксе паро-берянь таркат.
Кода сонзэ вечксть, кода учость, эрьва велесэ, козонь пачколесь, козонь совсесь, кода кенярдсть! Сонзэ концертсэ залось зярдояк арасель чаво. Велесэ морыль – веленек чиильть, сыренек-однэк, эйкакшонь пес сыльть кунсоломонзо. Ледни мелезэнь, кода финнэнь-угрань раськетнень фольклоронь праздникстэнть весе инжетнень тердизь Орданьбуень Баева велев С.Д.Эрьзянень памятникень панжомо. Чокшне ланга Ардатовасо невтезель концерт. Каня ломантне сизекшнесть учомадонть, каня лия тувталонь кувалма, ансяк залось таго-мекс пельс чаволь. Ды те сень лангс апак вано, кодат ансяк ды косто ансяк морыцят-киштицят эзть сакшно. Вана сценанть лангс лиссь Серафима Марковна. Кода свал, эрзянь оршамосо. Панаронзо-руцянзо палозь палсть, пильге тонгоманзо кувтёлдозь кувтёлдсть. Кирьгаванзо каязь эрьгтнень-човалятнень, мештезэнзэ чочазь сюлгамонть лангс аволить варшта ды сельметне сынсь невтильть лангозост. Сон сюконязь ютась сценанть куншкас ды эзь кенере нолдамо вайгелензэ – косто-а косто пуромсть ломанть, залось нацяс пешкедсь тыц. Кода серьгедизе «Семеричка карть» моронзо, Ардатовань клубось лепиясь цяпамотнес. Седеяк элякадсть ломантне, зярдо Марковна морынзе «Петра иредьстэ моли» ды «Молян мирденень» моронзо.
Истя вастасть сонзэ эрьва косо, козонь ансяк чалгсесь пильгезэ. Сонсь Марковна, марявсь, сизематкак эзь сода. Мордовиясо арасельть, келя, эрзянь велеть, козонь сон аволь пачколе. Самарань, Оренбургонь, Ульяновскоень, Чувашиянь ды ламо лия ёнксонь эрзянь велетненьгак ютынзе нучк-пачк. Сон свал килангсоль, свал ков-бути пурныль.
Таго ледстявсь тень, кода весть (те ульнесь 1992 иестэ) пачколинь Дубёнкабуев, косо ютавтозель семинар-вастовома, ков сакшность тосконь ды шабра Ульяновской областень эрзянь школатнестэ тонавтыцят ды директорт. Икелест морамо тердезель Серафима Марковнаяк. Се чистэнть, неявсь тень, марясь прянзо аволь пек парсте. Ялатеке сась, оршинзе эрзянь оршамонзо ды киштезь лиссь весень икелев. Мейсэяк эзизе невте берянь ёжонзо.
Неевлинка, кода кунсолость эйсэнзэ томбальксэнь эрзятне! Костояк конёвонь кашторкс эзь маряво, весе вансть ансяк Люлякинань лангс, весе кунсолость истя, ойместкак пельсть таргамс. Зярдо серьгедизе «Эрзянь кель» моронзо, залось седеяк сэтьмелгадсь. Ванса, ламонь чамава сельведть кармасть певереме, зярдо Марковна пачколесь се таркантень, косо истят валтнэ:
Эрзянь кель, эрзянь кель,
Ашо килей, чуди лей.
Чольдердиця горнипов,
Гайсэ морыця цёков.
Марявлинка, мезе тосо кепететсь! Весть тердизь, омбоцеде… Сиземазост цяпасть, яла кармавтсть одс ды одс морамс «Эрзянь келенть». Ламот тоско уш, Марковнань мельга, кармасть тонавтнеме те моронть. Мейле семинаронь перть, оймсемстэяк, ардомстояк, морасть ансяк те моронть эйсэ.
Истямоль сон – Марковна. Эйкакштненень сон Сима патяль. Лемсэ-тетялемсэ яволявтнесть ансяк сцена лангсо. Сеяк аволь эрьва косо. Велетнесэ мерсть тензэ косо «минек Марковна», косо «Сима патянок». Сонсь Серафима Марковна весенень пшкалесь истя: «сазорнэм», «сяткинем», левкскем», «сырнень покольнем», «дугинем», «тякинем». Весе произведениянзояк сёрмадозь истямо жо чевте ды мазый кельсэ…
Эрямонь койтне, нать, истят: ломанесь масторлангов сакшны аволь свалшкас. Куломась сасызе Серафима Марковна Люлякинаньгак. Те лиссь 1993 иень январень 17 чистэ. Теде икеле сон таго-зяро шка аштесь Светотехстроень больницясо. Учось, зярдо тензэ теить операция. Варчамонзо якинь монгак. Сестэ сон монень эзь неяво стакасто сэредицякс. Секс превскак тень эзь сакшно: таго-зяро чинь ютазь мольтяно калмамонзо. Лангс ваномс истямо чуморксоволь. Натой нилексть валгонесь нилеце этажсто (эстень тов куземс эзть мере), яла монь эйсэ вешнесь.
Кортнемс савсь аволь кувать. Марковна капшась уколонь путовтомо. Туемстэ палымим ды сельведень пачк мерсь: «Уцяскав эрямо теть, левкскем». Монь туртов неть ульнесть меельце валонзо.
Кулось сон недлячинь валскестэ. Куломадонзо икеле мерсь калмамс тозонь, косо чачсь, косо ютась эйкакшпингезэ, откспоразо. Кармавтомазо топавтозель.
Саранскойстэ уловонть ильтизь куломань колмоце чистэнть. Ливтемензэ сакшность сехте малавикс оянзо-ялганзо, кить эрясть аволь васолга. Савольть васолонсетнеяк, марявольтькак ды кенеревельтькак пачкодеме. Тень лангс апак вано, ломантнеде пурнавкшность аволь аламо. Се чистэнть а содыцяськак муилизе кудонть, косо эрясь Люлякина эрий ялганзо И.К. Инжеватов марто. Ливтемензэ сазтне весе эзть кельге вейке нупальсэ квартирантень, секс ламот ушосольть. Тарькс вармаськак эзизе тандавто киньгак, ломантне састь простнеме ды меельце ки лангов ильтямо эсест пародояк паро ды вечкевикс ялгаст.
Ильтицятнень ютксольть ламо ученойть, писательть, студентт, эрзянь ды мокшонь журналсто ды газетасто редакторт ды журналистт ды, нама, сонзэ сехте питней оятне – эсензэ кондят морамо-киштеме вечкиця ялганзо. Кить а совильть – сюконильть, кить а варштыльть – авардильть. Кочкурбуень Мурань велестэ «Сюлгамо» ансамблянь аватне кувать лайшесть пряпесэнзэ.
Вай, ялгакай, дугакай,
Истя ков пурныть-сэрнить,
Рунгот-сэрнеть наряжик?
Мекс а вастат инжетнень,
Мекс а вастат каршозост?..
Арасель ломань, кинь седеензэ аволизь тока неть валтнэ. Лайшицятнень мельга лияткак авардсть-ниреждсть. Истя ильтямонзо перть.
Зярдо кандолазтнэнь ливтизь ушов, ломантнеде пуромсть седеяк ламо. Тесэ ютавтозель простнемань озкс. Кортасть ламот ды весе лембе валсо ледстнесть Марковнань. Ды тесэяк а кодаль моровтомо. Кода эрямстонзо сон вечксь морамо, истя мерсь ледстнемс куломадонзо мейлеяк. «Келу» ансамблянь тейтертне (сынь састь вейкень пес) серьгедизь сехте вечкема моронзо. Те - «Вирь удало» эрзянь морось.
Се шкастонть ютась аволь аламо иеть. Серафима Марковнань лемезэ нейгак эри ды карми эрямо седе товгак. Сондензэ кармить ледстнеме весе сеть сёрмадовкстнэ, моротне, конатнень кенерсь каземе тенек сизьгемень иень кувалмосо эрямонзо перть.
Раиса Щанкина