მშვენიერება ტანჯვის ფონზე იბადება.

გაინტერესებს მარგალიტი როგორ ჩნდება??? …
მოლუსკი უზრუნველად ცხოვრობს საკუთარ ნიჟარაში, ის მისი ჯავშანია და იცავს მას დაზიანებისაგან. მაგრამ ისეც ხდება, რომ ხანდახან უცხო სხეული, თუნდაც სულ ციცქნა იყოს, მაინც ახერხებს ნიჟარაში შეღწევას და აღიზიანებს მოლუსკის ნაზ სხეულს. ეს უცხო სხეული შესაძლოა იყოს ქვიშის მცირე ზომის მარცვალიც მაგრამ იმდენად უქმნის დისკომფორტს მოლუსკს და ისეთ ტკივილს აყენებს, რომ ის იწყებს სადაფის მაგვარი სითხის გამოყოფას, რომელიც უცხო სხეულს გადაეკვრება და ფარავს მას. ეს ხანგრძლივი და მტკივნეული პროცესია, რომელიც მრავალი წლის მანძილზე გრძელდება. შედეგად კი, გასაოცარი სილამაზის განძი მოევლინება ქვეყნიერებას. აი, ასე იბადება მარგალიტი, ხანგრძლივი ტანჯვის ფონზე. ))))
PS. ჩვენს ცხოვრებაშიც ზუსტად ასე ხდება ხოლმე. რაც არ უნდა ეცადოს ადამიანი, ტკივილისგან, ტანჯვისგან დაზღვეული არავინაა. ქვიშის მარცვლების მსგავსად როგორი ჯავშანიც არ უნდა მოვარგოთ საკუთარ სულსა და გულს, ტკივილი მაინც აღწევს ჩვენს გულში და გვტანჯავს. მაგრამ ღვთის შეწევნით, თუ ამ ტკივილს მოთმინებით, მორჩილებით და თავმდაბლობით მივიღებთ, ჩვენი გული შეიძლება ბრწყინვალე მარგალიტად იქცეს…..