ЎШДАГИ МАСЖИДЛАРДА ЎҒИРЛИК КЎПАЙМОҚДА

Ўшдаги масжидларда қиммат оёқ кийимларни, пул ва бошқа буюмларни ўғирлаш ҳоллари кўпайган. Масжид имомлари тушунтириш ишларидан натижа чиқмаётганини айтиб, масжиддаги кийим ечилувчи жойларга назорат камераларини ўрнатиш учун ҳомий излашмоқда.
Ўшдаги масжидлардан оёқ кийимларини ўғирлаш одат тусига айланмоқда. Яхшигина поябзал билан намозга келиб, ўрнига йиртиқ калош кийиб кетаётганлар кўпайганини шаҳар яшовчилари билдирмоқда. Бундан ташқари таҳорат олиш вақтида ечиб қўйилган кийимларнинг чўнтагини “тозалаб” қўяётган ўғрилар бир қанча мусулмонларнинг қақшатган экан.
Бир йигит эса масжиддан велосипедини ўғирлатганини айтган. “Мен жума намозини ўқигани бориб, велосипедимни масжид деворига суяп қўйгандим. Намозни ўқиб чиққач уни тополмай қолдим. Мен масжидда ўғирлик бўлишини ҳаёлимга ҳам келтирмаган эдим”, - дейди у.
Жума намози вақтида шаҳар масжидларига минглаган кишилар ибодат учун келишади. Масалан, Ўшдаги “Сулаймон-Тоо” масжидига жума намози учун тўрт мингдан ошиқ одам бир вақтда йиғилади. Бу ўғрилар учун ўлжали кун бўлади.
Мазкур масжиднинг имоми Нурлан Мадалиев худонинг уйи дейилувчи жойда ўғирликлар кучайганини айтиб, элни эҳтиёт бўлишга чақиришдан бошқа илож топмаётганини билдирди.
Масжиддан буюмини ўғирлатганларнинг айримларигина милицияга мурожаат қилмаса, кўпчилиги номаълум ўғрини қарғабгина қолишади. Бироқ шаҳар милициясининг маълумот ходими Кубанич Камчибеков рўйҳатга олинган фактларнинг юзи очилаётганини айтди.
“Йил бошидан бери масжидлардаги ўғрилик бўйича беш факт рўйхатга олинган. Ҳозирда беш жиноятни барининг юзи очилди. Уларнинг иши ўрганилиб, судга ўтказилган. Жиноятчилар 19-21-24 ёшдаги фуқаролар бўлиб чиққан. Улар муҳтожликдан шу ишга боришганини айтишган”, -дейди Камчибеков.
Ҳозирда шаҳардаги айрим масжидлар назорат камералари ва қулфланувчи шкафлар билан жиҳозланмоқда.
Идрис Исаков(Биз газетасидан олинди)