МЕНИ СЕНГА КУНИМ ҚОЛМАСИН!

Бекор келдим бу ерга, бекор,
Кетолмадим, қайғу солмасин!
Бу ерларда қолиб кетсам ҳам,
Лекин сенга куним қолмасин!
Сен ғамимсан, сен кўзда
намим,
Бори йўғим, менинг аламим!
Битмаса ҳам шу битта камим,
Мени сенга куним қолмасин!
Куним кунга етмаганда ҳам,
Туним тунга етмаганда ҳам,
Мендан қайғу кетмаганда ҳам,
Мени сенга куним қолмасин!
Бу ерларда ким ор, ким беор,
Билиб бўлмас бунда нима бор!
Кундан-кунга бўлсам ҳам
абгор,
Мени сенга куним қолмасин!
Ўз-ўзимга тиларман тоқат,
Мен ўзимга ўзим садоқат!
Унутмагин сен шуни фақат,
Мени сенга куним қолмасин!
Мен ўзимни абгор этсам ҳам,
Лекин сенда уним қолмасин!
Шу кунларда қолиб кетсам ҳам,
Фақат сенга куним қолмасин!
МЕНИ СЕНГА КУНИМ ҚОЛМАСИН!