©═┄┅অঠ @LaYLoTv ঠঅ┅┄═©:

🍃🍃🍃
...Танимайди кечаги дўстинг,
Шилиб олар терию пўстинг,
Билдирма хеч бўлса гар кўстинг,
Кўрмаганни кўргани қyрсин...
Қўл узатсанг узатар бармоқ,
Бир у доно, қолганлар ахмоқ,
Асли ўзи хеч киммас бироқ,
Кўрмаганни кўргани қурсин...
Кўкдан ойни оламан дейди,
Мангу шундай қоламан дейди,
Таъм билмайди, саралаб ейди,
Кўрмаганни кўргани қурсин...
У бир осмон, битта ўзи зўр,
Давраларда кўзлагани тўр,
Кўзи очиқ, аммо қалби кўр,
Кўрмаганни кўргани қурсин...
Хоҳлаб қолар бошқа бир гулни,
Яралайди неча соф дилни,
Маишатларда ўтказар йилни,
Кўрмаганни кўргани қурсин...
Қариганда бўялади соч,
Қорни тўқу, кўзлар хамон оч,
Ундайларга улфат бўлма қоч,
Кўрмаганни кўргани қурсин...
Ҳар қадамда қилиб хатони,
Туртиб ўтар кўрса гадони,
Сўнг унутар хатто Худони,
Кўрмаганни кўргани қурсин...
Насиҳатлар унга бир тийин,
Ҳаволанар кун ўтган сайин,
Бундайларни синиши тайин,
Кўрмаганни кўргани қурсин...