— Sevimli o'yinchingiz yoki jamoangiz?

— Anchadan beri Madridning "Real" klubiga muxlislik qilaman, garchi so'nggi yillarda "Barselona" fantastik futbol namoyish qilayotgan bo'lsa-da. O'yinchilardan esa menga Zidanning aqlli o'yini hamisha yoqqan. "Barsa"ning hozirgi yulduzlari— Messi, Xavi, Inestaning o'yinlari ham yoqadi.
— O'zbekiston terma jamoasi haqida suhbatlashamiz. Braziliyaga borish uchun yaxshi ikoniyat paydo bo'ldi...
— Ҳa, bunday imkoniyat haqiqatan ham bor. Qolgan 3ta o'yinda muvaffaqiyatli to'p sursak bo'lgani. Lekin bu o'yinlar oson bo'lmaydi. Saralashning yakuniy qismida kurash yanada keskinlashadi. Axir Jahon chempionatiga borishni kim ham istamaydi? Bu— er yuzidagi har qanday futbolchi faoliyatining eng yuqori cho'qqisi hisoblanadi. Musobaqadagi vaziyat biz uchun qulay tarzda kechmoqda. Barchasi o'z qo'limizda. Yoqimsiz bashoratlardan o'zimni tiyaman. O'zbekiston xalqini xursand qilish va Braziliyaga borish uchun qo'limizdan kelgan barcha ishni qilamiz.
— Futbolchilik faoliyatini yakunlaganingizdan keyin nima bilan mashg'ul bo'lishni istardingiz?
— Futbolsiz hayotimni tasavvur qila olamayman. Shuning uchun futbolda murabbiy sifatida qolishni istayman. O'ynashni yakunlanganimdan keyin barchasi ma'lum bo'ladi.
MA'LUMOTNOMA
Temur Tohirovich Kapadze
"Aktobe" klubi futbolchisi
Tug'ilgan yili va joyi: 1981 yil 5 sentyabr, Farg'ona shahri.
Fuqaroligi: O'zbekiston
Amplua: Yarim himoyachi
Bo'yi: 185 sm.
Vazni: 77 kg.
Klubdagi faoliyati:
1998-2001-«Neftchi» (Farg'ona)- 14 o'yin (2 gol), 2002-2007-«Paxtakor» (Toshkent)- 94 (15), 2008-2011 -«Bunyodkor» (Toshkent)- 98 (12), 2011-2012 -«Inchxon Yunayted» (Janubiy Koreya)- 28 (4), 2012-«Ash-Sharja» (BAA)- 9 (0), 2012 -«Aktobe» - 14 (4)
O'zbekiston milliy terma jamoasi a'zosi. 2002 - hozirgi vaqtgacha - 101 (11)
Yutuqlari:
O'zbekiston chempioni (10) - 2001, 2002, 2003, 2004, 2005, 2006, 2007, 2008, 2009, 2010.
O'zbekiston kubogi sohibi (9): 2002, 2003, 2004, 2005, 2006, 2007, 2008, 2009, 2010.