წუხელ შენზე ფიქრში გავათენე,

ტკბილი მოგონებები გამახსენდა,
გულს ისევ ახსოვხარ, ისევ ენატრები,
ფიქრში ვერც გავიგე ისე დამათენდა.
თვალწინ შენი სახე ლიცლიცებდა
ჩემთვის ძვირფასი და სანატრელი,
წახვედი, გული მატკინე და
ცრემლს გარდა არ დამრჩა არაფერი.
როგორ სიზმარივით გაქრა უცებ
ჩვენი გატაცება, ჩვენი სიხარული,
თმებში რომ ჭაღარა გამერია,
შენ ხარ დამნაშავე შენი სიყვარულით.
წუხელ ისევ ისე ფიქრით გაგიხსენე
ჩემო ოცნებავ და ჩემო საფიცარო,
ნეტავ კიდევ შეხვდეს ჩვენი გზები,
გულმა ძველებურად გაიხაროს.
/მანანა ბოჭორიშვილი/