25 ёшингизда билишингиз жуда муҳим бўлган нарсалар… Кўп ишланг!

Ҳа, ҳа кўп ишланг. Ёшсиз… Чарчасангиз ҳам ҳечқиси йўқ. Вақтингиз, ишингиз, борида ишлаб олинг.
Омадга интилинг!
Омадни кутишмас, унга интилиш керак. Кам ухланг, кўп ишланг, айнан кўп ишлаш сизни омад сари етаклайди, ишонинг.
Севинг, севилинг!
Қанчалик банд бўлманг, шахсий ҳаётингиз учун ҳам вақт ажрата олинг. Оилали бўлмасангиз, албатта айнан 25 ёшингизда шахсий ҳаётингиз ҳақида ўйлаш учун айни муддао.
Дўстлар орттиринг, инсонларни ўрганинг!
Ҳаётингизни инсонларни ўрганиш билан ўтказинг. Ишонинг, бу сизга ҳаётда жуда асқ қотади. Инсон психологиясини билган одам ҳаётда камдан – кам қоқилади.
Ўқинг, изланинг, янгилик яратинг!
Менимча, 25 ёш янгилик яратиш, ўқиш ва ўрганишнинг айни вақти. Вақтим етишмаяпти деган баҳоналарни қила кўрманг. Яхшиси имкон қидиринг.
Чин юракдан ҳордиқ чиқаришга ҳаракат қилинг!
Қанчалик кўп ишламанг худди шундай кўп сарфлашни ҳам билинг. Аммо меъёридан ошмасин. Дўстларингиз билан вақт ўтказинг. Рақсга тушинг, караокега бориб туринг. Хуллас яхшилаб дам олишни ҳам ўрганинг.
Ўзингизни қўлга олишни ўрганинг!
Ҳар қандай вазиятда, қаерда нима дейишни, ўзингизни қандай тутишни ўрганинг. Жаҳлингиз чиққанда, ақлингиз ҳам кетмасин.
Мулойим бўлинг!
Иш пайти ўзингизни югурдак деб ҳис қилиб туришингиз табиий. Ёшсиз, ким нима буюрса қилинг, бу иш, ишда меники сеники бўлмайди. Ҳар қандай вазиятда ҳам мулойим бўлишга ҳаракат қилинг. Бировлар тарбиясизлик қилса, сиз уларга ўхшаманг.
Севган ишингизни топинг!
Керак бўлса, бир йилда ўн марта иш жойингизни алмаштиринг. Аммо ўзингиз севмаган ишда бир умр ишлашни хаёлингизга ҳам келтиманг. Қизиқишингиз нималигини 25 ёшингизгача аниқланг.
Бахтли бўлишни ўрганинг!
Юқоридаги барча айтиб ўтилган ишларни албатта қилинг, аммо бахтли бўлишни ҳам унутманг. Бу энг асосийси.
Мақолаларимни ўқиётганлар кундан – кунга кўпаяётганидан мамнунман. Сизлар юбораётган таклифлар ва фикрлардан эса бошим осмонда. Ажойиб.уздаги мақолаларнинг барчаси қалбан ёзилади.